Ադրբեջանը պատրաստվում է ավելացնել պաշտպանության ծախսերը՝ հասցնելով 1,709 միլիարդ դոլարի
Ադրբեջանի կառավարությունը պատրաստվում է 2018 թվականին ավելացնել պաշտպանության ծախսերը 6,1 տոկոսով՝ հասցնելով 1,709 միլիարդ դոլարի՝ ի սկզբանե պետական բյուջեում նախատեսված ծավալի համեմատ, հայտնում է minval.az-ը:
Ադրբեջանի ֆինանսների նախարարությունը հրապարակել է խորհրդարան ներկայացված 2018 թվականի պետական բյուջեի նախագծում փոփոխությունների տեքստը:
2018 թվականի պաշտպանության ծախսերը հաստատվել էին 1,611 միլիարդ դոլարի չափով:
Փոփոխությունների տեքստի համաձայն՝ պաշտպանության ծախսերի կառուցվածքում նախատեսվում է 1,3 տոկոսով ավելացնել Զինված ուժերի ֆինանսավորումը, 10,3 տոկոսով՝ այլ ծախսերը, 16,7 տոկոսով՝ ազգային անվտանգության մարմինների ֆինանսավորումը:
2017 թվականին Ադրբեջանի պետական բյուջեում պաշտպանության ծախսերը կազմել են 1,541 միլիարդ դոլար: