Արմավիրում կարկուտի պատճառած վնասի չափերը ճշտվում են. գյուղնախարար (տեսանյութ)
Կարկուտի պատճառած վնասի չափերը ճշտվում են: Այս մասին լրագրողների հետ զրույցում ասաց ժամանակավոր, համաձայնության կառավարության «Հայ Յեղափոխական Դաշնակցության» քվոտայով գյուղատնտեսության նախարար Արթուր Խաչատրյանը: Նա ընդգծեց, որ համապատասխան աշխատակիցները Արմավիրի մարզի տարբեր համայնքներում են:
Հիշեցնենք, որ կարկուտ է տեղացել Արմավիրի մարզի Աղավնատուն համայնքում: Կարկուտից տուժել են նաև հարևան Դողս, Արագած, Ամբերդ, Լեռնամերձ համայնքները: Կարկուտի տևողությունը եղել է մոտ 10 րոպե:
Անդրադառնալով գյուղացիների դժգոհություններին՝ կաթի գնի հետ կապված, և պետության միջամտությանը՝ Արթուր Ասատրյանն ասաց, որ պետության կողմից կաթի գին որոշելու մասին խոսք չկա:
«Ամբողջ աշխարհում կա երկու մոդել՝ կա՛մ պետությունն ասում է, որ կաթի գինը, ասենք, պիտի լինի 2 կոպեկ, կա՛մ ցանկացած ապրանքի գինը որոշվում է շուկայում: Եթե գնում ենք «պետությունը պետք է որոշի» ճանապարհով, ապա հաջորդը պիտի լինի թե ձեր հագի վերնաշապիկի գինը ինչքան պետք է լինի կամ ծիրանի գինը, և այդպես շարունակ: Այդ ճանապարհով 2-3 պետություն է գնում»,-շեշտեց նախարարը:
Մանրամասները` տեսանյութում։