Экономикалык кылмыштарга каршы күрөш боюнча мамлекеттик кызмат жогорку окуу жайларынын биринде чет элдик 50 студент алданып калганын аныктады. Студенттер жалпы жонунан 145 миң доллар акча төлөшкөнүнө карабай, окуудан айдалып кетишкен. Көзөмөл мекемеси кайсы университет жөнүндө кеп болуп жатканын ачыкка чыгарбаганы менен, “Азаттык” аны тактап, жетекчилеринен түшүндүрмө алды. Студенттер болсо индиялык экени белгилүү болду.