ავღანეთში, "მტკიცე მხარდაჭერის" მისიაში ჩაერთო საქართველოს შეიარაღებული ძალების მეორე ქვეითი ბრიგადის 21-ე ბატალიონის ასეული, რომელმაც რეინჯერთა ბატალიონის ნაკრები ასეული შეცვალა. საქართველოს თავდაცვის სამინისტროს მიერ 21 მაისს გავრცელებული ინფორმაციით, უფლებამოსილების გადაბარების ცერემონია გაიმართა ქაბულში, “მტკიცე მხარდაჭერის“ მისიის შტაბ-ბინაში. 21-ე ბატალიონის ნაკრები ასეული ქაბულში 7 თვის განმავლობაში იმსახურებს. მისი მთავარი ამოცანაა "მტკიცე მხარდაჭერის“ მისიის მთავარი შტაბ-ბინის უსაფრთხოების დაცვა და ბაზის პერიმეტრის გაკონტროლება.
