Բարսելոնան հաղթել է Ինիեստայի վերջին խաղում (տեսանյութ)
Իսպանիայի առաջնության վերջին տուրում «Բարսելոնան» հյուրընկալել է «Ռեալ Սոսիեդադին»:
Մրցարշարային տեսանկյունից ոչինչ չորոշող խաղում «Բարսելոնան» հաղթել է 1:0 հաշվով: Խաղը առանձնացել է նրանով, որ սա կատալոնական ակումբի լեգենդների մեկի՝ Անդրես Ինիեստայի վերջին հանդիպումն էր հարազատ թիմում: Հանդիպման 82-րդ րոպեին Անդրես Ինիեստային փոխարինել է Պակո Ալկասերը:
Ամբողջ «Կամպ Նոուն» հոտնկայս ծափահարություններով ճանապարհել է լեգենդար իսպանացուն: Ինիեստան «Բարսելոնայի» սան է և 2002 թվականից հանդես է գալիս կատալոնացիների մարզաշապիկով: Հանդիպման վերջում երկրպագուները և ակումբի ներկայացուցիչները հատուկ արարողությամբ ճանապարհել են լեգենդին:
«Ռեալ Սոսիեդադի» դարպասը գրավել է Ֆիլիպե Կոուտինյոն: Այսպիսով «Բարսելոնան» 93 միավոր է վաստակել և հռչակվել Իսպանիայի չեմպիոն: