Алина Садиванкина район башкарма комитеты җитәкчесе Александр Никошинның Рәхмәт хаты белән бүләкләнде
Халыкка мәдәният хезмәте күрсәтүдә күпьеллык нәтиҗәле хезмәте өчен Иске Хурада мәдәният йорты директоры Алина Садиванкина район башкарма комитеты җитәкчесе Александр Никошинның Рәхмәт хаты белән бүләкләнде.
Алина Садиванкинаның мәдәният өлкәсендә эшли башлавына быел 25 ел тулды. Үз хезмәтенә чын күңелдән бирелгән бу ханым җитәкчелегендә Иске Хурада клубы чын мәгънәсендә авылның мәдәният үзәгенә әверелде. Биредә нинди генә кызыклы чаралар үткәрелми, төрледән-төрле түгәрәкләр эшләп тора. Авылның олысы да, кечесе дә клубка бик теләп йөри.