Әлмәтлеләр “Лада” машиналарына өстенлек бирә
Узган елда “Лада” автомобильләрен сату буенча Татарстан калган төбәкләр белән чагыштырганда алдынгы урынга чыккан.
“АвтоВАЗ”ның барлыгы 28 000 машинасы безнекеләргә сатылган. Әлеге саннарны “Колёса.ру” порталы язып чыккан. Узган елда республикада 12 176 Lada Granta, 7 880 Lada Kalina һәм 3676 Lada Largus машиналарын сатып алганнар.
Икенче урында Самара өлкәсе һәм Мәскәү тора. Шулай ук Башкортостан, Краснодар якларында да үзебездә җитештерелгән машиналарга өстенлек бирелә икән.