Лениногорскиның конкурсларда җиңгән укытучылары билгеле булды
3-6 февраль аралыгында Лениногорскиның 7 нче мәктәбе базасында “Ел сыйныф җитәкчесе”, “Өстәмә белем бирү укытучысы”, “Россиянең педагог-психологы – 2015” республика конкурсларының муниципаль этабы үтте.
“Ел сыйныф җитәкчесе” конкурсында шәһәр һәм районнан 19 укытучы катнашты. Нәтиҗәдә, беренче урынны шәһәребезнең 7 нче мәктәбендә башлангыч сыйныф укытучысы Наилә Шәмсуллина алды, икенче урында 2 нче мәктәпнең биология укытучысы Надежда Воробьева, өченче урынга 5 нче мәктәпнең татар теле һәм әдәбияты укытучысы Галия Исмәгыйлева лаек булды.
“Өстәмә белем бирү укытучысы” конкурсында 9 укытучы көч сынашты. Жюри әгъзалары мондый нәтиҗәгә килде: беренче урын – Балалар иҗат йортында өстәмә белем бирү укытучысы Елена Артемьевада, икенче урында – 12 нче лицейның тарих укытучысы Ирина Клещевниковада, өченче урында 7 нче мәктәпнең башлангыч сыйныф укытучысы.
“Россиянең педагог-психологы – 2015” конкурсында өч укытучы катнашты. Беренче урын беркемгә дә булмады. Икенче урынны 14 нче балалар бакчасы педагог-психологы Людмила Дорошина яуласа, өченче урынны 4 нче мәктәпнең педагог-психологы Екатерина Сагдеева алды.
http://len-journal.ru/