Парклар һәм скверлар елы логотипы тәгаенләнде (ФОТО)
Министрлар кабинеты 2015 елда Татарстанда билгеләп үтеләчәк Парклар һәм скверлар елы логотипын тәгаенләде.
Игътибар итсәгез, логотип заманча парк рәвешендә сурәтләнгән. Элемент буларак анда төп керү урыны – арка, агач эскәмия, фонарь, фонтан бар. Шулай ук кошлар һәм болыт образлары да урын алган. Алар паркларның "яшел зона" булуларын ассызыклый кебек. Арткы фонда исә ылыслы һәм яфраклы агач төрләре гәүдәләнгән. Барлык фигурлар да яшел төснең 6 төсмере белән бизәлгән. Ә Сөембикә манарасы – Татарстанның милли ягын, тимераяк һәм велосипед – республикабызның динамик үсешен, шул исәптән спорттагы уңышларын тасвирлый, дип аңлатма бирелгән.
http://intertat.ru/tt/