Эндиликда петицияларни онлайн режимида бериш мумкин
“Mening fikrim” веб-портали концепцияси жорий йилнинг 15 февралида кенг жамоатчилик муҳокамасидан ўтказилганлиги, унда нафақат Олий Мажлис депутатлари, балки электрон жамоавий мурожаатларни туман миқёсида кўриб чиқишга ваколатли халқ депутатлари маҳаллий Кенгашларининг депутатлари ҳам иштирок этганлиги веб-порталнинг янада пухта ва тушунарли бўлишида муҳим омил бўлганлиги таъкидланди.
Олий Мажлис қошидаги Қонунчилик ва парламент муаммолари тадқиқоти институти директори Раҳим Ҳакимов ҳабар берганидек, “Mening fikrim” веб-портали концепциясини ишлаб чиқишда унинг қулай ва содда тартибда ишлаши устида кўплаб изланишлар олиб борилди. Бунда 10 дан зиёд илғор хорижий давлатнинг тажрибаси ўрганилган. Жорий йил 13 апрель куни “Mening fikrim” веб-портали лойиҳаси германиялик экспертлар томонидан халқаро экспертизадан ўтказилди.