Չինաստանում կենդանաբանական այգու այցելուները սպանել են կենգուրուին՝ փորձելով արթնացնել նրան քարերով
Չիաստանի Ֆուցզյան նահանգի Ֆուչժոու քաղաքի կենդանաբանական այգու այցելուները ճալաքարեր են նետել կենգուրուների վրա, ինչի հետևանքով կենդանիներից մեկը սատկել է, մյուսը՝ վնասվածքներ ստացել: Այս մասին հայտնում է The Straits Times-ը:
Նշվում է, որ միջադեպը տեղի է ունեցել ավելի քան մի ամիս առաջ, սակայն դրա մասին հայտնի է դարձել միայն այժմ: Փետրվարի 28-ին 12-ամյա էգ կենգուրուի ոտքը վնասվել է սուր քարից: Նրա վերքը մշակել են ու բուժել դեղամիջոցներով, սակայն մի քանի օր անց նա սատկել է:
Ավելի ուշ պարզվել է, որ կենգուրուի մահվան պատճառ է դարձել վնասվածքի հետևանքով երիկամի պատռվածքը և ներքին առատ արյունահոսությունը: Մի քանի շաբաթ անց նմանատիպ իրավիճակ է տեղի ունեցել. արու կենգուրուի վրա քարեր են նետել, սակայն նա, բարեբախտաբար, թեթև վնասվածքներ է ստացել:
China Daily-ի հաղորդմամբ՝ կենգուրուներն ակտիվ են օրվա որոշակի ժամերի, և այցելուները նրանց արթնացնելու համար քարեր ու այլ ծանր առարկաներ են նետում՝ անտեսելով նախազգուշացնող և արգելող ցուցանակները: