"ისლამური სახელმწიფოს" ექსტრემისტები დათანხმდნენ დათმონ დამასკთან ახლოს მდებარე მათი ბოლო ბასტიონი, თუმცა სირიის არმიამ 20 აპრილს მათი დამბობმვა გააგრძელა, სრული კაპიტულაციის შეთანხმების მიღწევამდე - იუწყება სახელმწიფო მედია. შეთანხმების თანახმად, "ისლამური სახელმწიფოს" მებრძოლები, რომლებიც აკონტროლებენ ჰაჯარ ალ-ასვადის უბანს და იარმუკის პალესტინელ ლტოლვილთა ბანაკს, ამ ადგილებს დატოვებენ და გადავლენ სირიის აღმოსავლეთში, სადაც ექსტრემისტული ჯგუფი ტერიტორიას აკონტროლებს. 2011 წლის შემდეგ პირველად, სირიის მთავრობა ემზადება დედაქალაქსა და მის მიმდებარე ადგილებზე კონტროლის სრულად აღსადგენად. სახელმწიფო მედიის ცნობით, ამ ორი ადგილის დამბომბვა გრძელდება, რადგან ექსტრემისტები შეთანხმების დეტალებს არ თანხმდებიან. ადამიანის უფლებების სირიის ობსერვატორიის თანახმად, დამობმვის მიზეზი ის არის, რომ "ისლამური სახელმწიფოს" ზოგიერთი მებრძოლი შეთანხმებას უარყოფს.
