«Ժողովուրդ». Բուհերում օրական երեք անգամ ներկա-բացակա են անում, ընդ որում, ոչ միայն ուսանողներին, այլև դասախոսներին
«Ինչպես հայտնի է` Սերժ Սարգսյանի վարչապետության դեմ անցկացվող հանրահավաքներին մեծ մասնակցություն ունեն նաև ուսանողները: Եվ ինչպես պնդում են «Ժողովուրդ» օրաթերթի աղբյուրները` մի շարք բուհերում որոշվել է նրանց դեմ «որս սկսել»: Մասնավորապես` բուհերում օրվա մեջ երեք անգամ ներկա-բացակա են անում, ընդ որում, ոչ միայն ուսանողներին, այլև դասախոսներին: Շատ հաճախ ներկա-բացակա անում են անձամբ ռեկտորները, որպեսզի ավելի արժևորվի իրենց արածը: Բացի այս` բուհերի ՀՀԿ-ական ուս. խորհուրդներին էլ զգուշացրել են, որ բացակայող ուսանողների ցուցակներ կազմեն և ներկայացնեն դեկանատներ ու ռեկտորատներ: Միայն թե, մեր աղբյուրների պնդմամբ, ուսանողների վրա այս ճնշումները որևէ ազդեցություն չունեն, և նրանք շարունակում են մասնակցել բողոքի ցույցերին ու հանրահավաքներին»,-գրում է թերթը:
Նյութն ամբողջությամբ կարդացեք թերթի այսօրվա համարում: