Ни өчендер зәйлеләр Гашыйклар көнендә язылышырга ашыкмый
Бүген - 14 февраль - Гашыйклар көне. Бу көнне аеруча яшьләр көтеп ала, чөнки кемнәрдер үзара мөнәсәбәтләрне ачыклый, кемнәрдер мәхәббәттә аңлаша, кайберәүләр нәкъ шушы көнгә туры китереп гаилә кора. Узган ел, мәсәлән, магик көчкә ия дата дип (14.02.2014), яшьләр бу көнне күпләп гаилә корган, Казан ЗАГС бүлекләрендә 145 пар теркәлгән. Ләкин зәйлеләр ни өчендер мондый үзенчәлекле даталарга әллә ни игътибар итми. ЗАГС бүлегеннән алынган мәглүматларга караганда, бүген бездә нибары өч пар рәсми төстә никах терки. Узган ел бу көнне бер пар язылышкан булган.