Пенсионерларга 7,7 миллиард сум түләячәкләр
Премьер Дмитрий Медведев шундый боерыкка кул куйган.
Сүз пенсияләргә төбәк түләүләре турында бара. Закон буенча картлык буенча пособие яшәү минимумыннан түбән булырга тиеш түгел. Шуңа күрә аз пенсияләргә дәүләт өстәмә түли. Быел бу максатка федераль бюджеттан 7,7 миллиард сум җибәреләчәк. Мондый өстәмәне илнең 15 төбәгеннән 485 мең кеше алачак. Аның күләме 1800 дән 5360 сумга кадәр.