Әлмәттә нәни йолдызлар "кабынды"
Бүген балалар һәм үсмерләр иҗат үзәгендә “Йолдызчыклар-2015” шәһәр бәйгесенең гала-концерты булып узды. Узган Мәдәният елында балалар бакчаларында башланган бәйгегә быел йомгак ясадылар.
“Йолдызчыклар-2015” быел 10 тапкыр оештырылды. Сайлап алу турлары “Халыклар дуслыгы” һәм “Яңа гасыр йолдызы” юнәлешләре буенча барды. Бәйгедә катнашучылар арасыннан 20 коллективны жюри финалга лаек дип тапкан. Балалар вокал, хореография һәм нәфис сүзгә осталыкларын күрсәтте.