Բրիտանացին VIP տոմս է գնել կինոյի համար, խցանվել բազկաթոռի տակ և մահացել
Մեծ Բրիտանիայի Բիրմինգհեմ քաղաքի բնակիչը, որը տոմս է գնել կինոթատրոնում VIP տեղի համար, խցանվել է բազկաթոռի տակ ու որոշ ժամանակ անց մահացել սրտի կաթվածից: Այս մասին հայտնում է Daily Star-ը:
Աղբյուրը մանրամասնում է, որ կինոդիտումից հետո տղամարդու հեռախոսն ընկել է բազկաթոռի տակ, և երբ նա իջել է այն վերցնելու համար, նրա գլուխը մնացել է բազկաթոռի շարժվող էլեկտրական ոտնակի տակ: Տղամարդուն հաջողվել է հանել այնտեղից՝ միայն ոտնակը ջարդելուց հետո:
Նշվում է, որ տուժածը հոսպիտալացվել է սրտի կաթվածով, որի պատճառն ուժեղ խուճապն էր: Բժիշկներին հաջողվել է վերականգնել տղամարդու սիրտը, սակայն մեկ շաբաթ անց նա մահացել է հիվանդանոցում: