Գրիզման. Ապագայիս հարցը կորոշվի մինչև աշխարհի առաջնության մեկնարկը
«Աթլետիկոյի» հարձակվող Անտուան Գրիզմանը խոսել է կարիերայի շարունակության մասին.
«Իմ ապագան կորոշվի մինչև աշխարհի առաջնության մեկնարկը: Ցանկանում եմ մեկնել Ռուսաստան մաքուր մտքերով: Չեմ ցանկանում, որ ինձ անընդհատ անհանգստացնեն ապագայիս մասին հարցերը: Քրոջս ասել եմ, որ անկախ այն բանից՝ կմնամ «Աթլետիկոյում» թե չէ, ցանկանում եմ, որ այդ ամենը որոշվի մինչև ԱԱ-2018-ի մեկնարկը»,- Գրիզմանի խոսքերը մեջբերում է «Marca»-ն:
Հիշեցնենք, որ ֆրանսիացի ֆուտբոլիստը մոտ է կատալոնական «Բարսելոնա» տեղափոխությանը: