Լավրովը ձուկ բռնելիս, ձի հեծնելիս, հանգստի ժամանակ. ֆոտոշարք՝ նվիրված ՌԴ գլխավոր դիվանագետի 68-ամյակին (լուսանկարներ)
Այսօր`մարտի 21-ին, իր ծննդյան տարեդարձն է նշում Ռուսաստանի Դաշնության արտաքին քաղաքական գերատեսչության ղեկավար Սերգեյ Լավրովը: Ի դեպ, այս տարի արտգործնախարարն իր 68-րդ տարեդարձը նշում է Ծագող արևի երկրում, որտեղ մասնակցում է Ճապոնիայի իշխանությունների հետ բանակցություններին:
Ինչպես նշում է gazeta.ru-ն, մշտապես ներկայանալի տեսք ունեցող Լավրովն արդեն 14 տարի ՌԴ ԱԳՆ ղեկավարն է, ու ակամայից տպավորություն է ստեղծվում, թե այս կառույցում այլ ղեկավար չի էլ կարող լինել:
Նա համարվում է Ռուսաստանի ամենահայտնի քաղաքական գործիչներից մեկը, որը, ըստ ամենայնի, կներառվի նոր ձևավորվելիք կառավարությունում:
«Վիքիպեդիա» առցանց հանրագիտարանում ՌԴ գլխավոր դիվանագետի մասին էջում նշվում է, որ նա ծնվել է Մոսկվայում: Հայրն ազգությամբ հայ է՝ որոշ տեղեկություններով՝ Քալանթարով կամ Քալանթարյան ազգանունով։
Ստորև ուշագրավ ֆոտոշարքով ներկայացված են Լավրովի կյանքի հետաքրքիր պահերը բացահայտող կադրերը.