Մալթա-Ադրբեջան կոռուպցիոն սկանդալի գործով վկան «վախենում է իր կյանքի համար» և հանձնվել է ոստիկանությանը
Եֆիմովայի կալանավորման համար եվրոպական օրդեր էր տրվել դեռ անցյալ տարվա նոյեմբերին, երբ նրան մեղադրեցին լրագրողին էական տեղեկություններ փոխանցելու համար, որոնք վերջինս օգտագործել էր Մալթայի և Ադրբեջանի կառավարությունների անօրինական կապերի վերաբերյալ հոդվածում: Հաղորդվում է, որ Եֆիմովան պատմել է Կարուանա Գալիցիային, թե տեսել է փաստաթղթեր, ըստ որոնց՝ Ադրբեջանի նախագահի ընտանիքը մեկ միլիոն եվրո է փոխանցել Մալթայի վարչապետի կնոջ՝ Միշել Մուսկատի հաշվեհամարին:
Վարչապետն ու նրա կինը հերքում են, թե մեկ միլիոն եվրոն իրենց է փոխանցել Ալիևների ընտանիքը՝ Պանամայում գրանցված գաղտնի օֆշորային Egrant կազմակերպության միջոցով:
Եվրոպական խորհրդարանի հայտարարության մեջ Եֆիմովան նկարագրվում է որպես «Մալթայում կոռուպցիայի և փողերի լվացման վերաբերյալ հետաքննության կարևոր վկա»: Նա Մալթայից փախել էր անցյալ տարի՝ հայտարարելով, որ վախենում է իր և իր ընտանիքի անդամների կյանքի համար: