Хатын-кызларга пенсия яшен арттырырга телиләр
Россия финанслар министры хатын-кызларга 63 яшьтә пенсиягә чыгарга тәкъдим итә.
Антон Силуанов ир-атлар өчен дә, хатын-кызлар өчен дә пенсиягә чыгу яшен бертөрле итү яклы. Аның сүзләренчә, ил бюджетының биштән бер өлеше ел саен Пенсия фондының дефицитын каплатуга китә, чөнки пенсионерлар саны һәм пенсиягә түләүләр эшләүче гражданнар тарафыннан китерелгән табышка караганда тизрәк арта.
– Хәзер Россия дөньяда иң түбән пенсия яше булган ил санала: ир-атлар 60 та, хатын-кызлар 55 тә лаеклы ялга чыга. Аны 1932 елда Сталин билгеләгән иде, – ди Силуанов.