Qırımtatar bestekârı ve icracısı Cemil Karikov Kyivdeki Donetsk konservatoriyasınıñ filialında açmağa planlaştırılğan şarq muzıkası fakultetinde ocalıq yapmaq içün davet etildi.Bu aqta Qırım.Aqiqatqa çalğıcınıñ özü haber etti.
Karikov, talebelerni oqutmaq içün çetel usulcılarınıñ yardımına ihtiyac olacağını ayttı, çünki Ukrainada türkiy muzıkasından ders berüv tecribesi yoq eken.
«Bizge ocalar kerek, Ukrainada bu saada mütehassıslar azırlanmay edi. Men bellesem, metodik yardım bersinler dep, elçihaneler vastasınen Türkiye ve Azerbaycandan ocalar temin etilmesini rica etilecek», – dep qayd etti Karikov.
Qırımtatar bestekârı ve icracısı Cemil Karikov yapil[an körüşüv aqqında tafsilâtlıca yaqın künlerde Qırım.Aqiqatta saytında derc etilecek intervyuda oquñız.
Cemil Karikov – qırımtatar halq muzıkası ustası, bestekâr, «Haytarma» ansambliniñ muzıka reberi, Qırımtatar akademik muzıkalı-dramatik teatriniñ baş dirijörı olaraq çalışqan edi. Ukrainada nam qazanğan sanat erbabı.
