Бул тууралуу Жогорку Кеңештин жыйынында тышкы иштер министринин орун басары Динара Кемелова билдирди. Анын айтымында, Кыргызстандын Казакстандагы элчисине талапкерлер каралып, президент менен макулдашуу жүрүүдө.
“Жакын арада элчи дайындалат” деди Динара Кемелова.
Кыргызстандын Казакстандагы элчиси эки жылдан бери дайындала элек. Акыркы жолу 2016-жылы Эсенгул Өмүралиев элчиликти тапшырып берген соң кыргыз бийлиги бул өлкөгө элчи дайындабай келген. (BkA)