Универсиадада безнекеләргә тиңнәр юк
Словакиядә Бөтендөнья кышкы Универсиадада Россия спортчылары яхшы чыгышлары белән сөендерә. Бүгенге көн нәтиҗәләре буенча инде 14 алтын, 12 көмеш, 13 бронза медаль алды ил спортчылары. Җиңүләр яулаучылар арасында татарстанлыларның да булуы үтә куанычлы. Шуларның берсе Андрей Ларьков инде универсиада барышында чаңгы узышларында өч алтын медаль алуга иреште. Икенче бер спортчыбыз Артем Николаев та әллә ни калышмый, гел алтыннан гына тормаса да аның да быелгы универсиадада өч медале бар.