Зәй районында кан әйләнеше системасы авырулары буенча хәл кискен тора
Зәй үзәк дәваханәсе статистикасы буенча, районда үлемгә китергән авыруларның иң күбе кан әйләнеше системасы белән бәйле. Узган ел үлгән 765 кешенең 37% ы кан әйләнеше системасы авыруларыннан интеккән булган. 2013 елда да бу төр авырулардан үлүчеләр 30,7% тәшкил иткән. Шуңа да агымдагы елда Зәй табиблары йөрәк-кан тамырлары авыруларын дәвалауга аеруча җитди игътибар бирү мөһимлеген алгы планга куя. Авыруларны иртә стадиядә ачыклап, югары технологияле дәвалау үзәкләренә җибәрү нәтиҗәле дип исәпләнә.