Սեսար Ասպիլիկուետա. 1:1 հաշիվը «Բարսելոնային» առավելություն է տալիս
Լոնդոնի «Չելսիի» պաշտպան Սեսար Ասպիլիկուետան խոսել է Չեմպիոնների լիգայի ընթացիկ խաղարկության 1/8 եզրափակչի` կատալոնական «Բարսելոնայի» հետ կայացած առաջին (1:1) խաղի մասին:
«Մենք ավելի լավն էինք: 1:1 հաշիվը «Բարսելոնային» որոշ առավելություն է տալիս: «Կամպ Նոու» ստադիոնում մենք պետք է լավ պաշտպանվենք, բայց միաժամանակ լավ խաղանք հարձակման գծում»,- իսպանացի պաշտպանի խոսքն է մեջբերում «Marca»-ն:
Հիշեցնենք, որ մրցող թիմերի միջև հանդիպումը կկայանա մարտի 14-ին: