«Մենք պետք է մաքրենք Երևան համայնքը աղբից, կոռուպցիայից». Սոնա Աղեկյան
«Պայքարը հասկանում ենք, որ դժվար է լինելու, սակայն մենք պատրաստ ենք», - ասաց Աղեկյանը՝ շարունակելով. - «Երևանի քաղաքապետարանում, ըստ պտտվող լուրերի, օգտագործվում են զանազան թմրամիջոցներ, Երևանի քաղաքապետարանի տարբեր կաբինետներում թղթախաղով են զբաղված։ Երևանի քաղաքապետարանի հետնամուտքից տարբեր անձինք, որոնք ունեն հաստ պարանոցներ՝ տարբեր տրամաչափի, սև ակնոցներ, թիկնեղ տղամարդիկ, որոնք իրավունք չունենք, որևէ լիազորություն չունեն, սակայն ապօրինի լիազորություններով նրանք հետնամուտքից մտնում են Երևանի քաղաքապետարանի շենք և անհայտ գործունեություն են ծավալում Երևանի քաղաքապետարանում»։
Աղեկյանը նշեց՝ փետրվարի 19-ին իրենց խմբակցության ղեկավար Զարուհի Փոստանջյանը լրագրողներին ցույց էր տալիս, թե ինչպես են քաղաքապետարանում թղթախաղով զբաղվում, իսկ Երևանի ավագանու այս տարվա առաջին նիստին իրենք ցուցադրում էինք այն, ինչը քաղաքային իշխանությունները ստեղծել են այս 25 տարիների ընթացքում։
«Այդ գարշահոտությունը քաղաքային իշխանությանը բռնազավթածների անգործության արդյունքում է եղել և քանի որ իրենք ականջալուր չեն լինում քաղաքացիների հինգ տարվա բողոքին, ուստի մենք ստիպված էինք նյութեղեն ապացույցով ցույց տալ, որ ավելի կարևոր և ավելի առարկայական հարցեր կան, որոնք օր առաջ պետք է լուծում ստանան», - ասաց Աղեկյանը։
Աղեկյանի հետ հարցազրույցն ամբողջությամբ կարող եք դիտել այստեղ.