Էլիզաբեթ 2-րդն առաջին անգամ ներկա է եղել Լոնդոնի Նորաձևության շաբաթին (լուսանկարներ)
Մեծ Բրիտանիայի թագուհի Էլիզաբեթ 2-րդը պատվավոր հյուրի կարգավիճակում առաջին անգամ մասնակցել է Լոնդոնում մեկնարկած Նորաձևության շաբաթին, հայտնում է The Daily Mail-ը՝ մանրամասնելով, որ 92-ամյա միապետը դիտել է բրիտանացի երիտասարդ դիզայներ Ռիչարդ Քուինի ստեղծած հագուստները:
Երկարակյանց միապետը նստել է առաջին շարքում՝ ամերիկյան Vogue ամսագրի գլխավոր խմբագիր Աննա Վինտուրի կողքին՝ ստիպելով նորաձևության աշխարհի «երկաթե լեդիին» հուզվել:
Ցուցադրությունից հետո Էլիզաբեթ 2-րդը երիտասարդ դիզայներին իր անվան պարգև է շնորհել՝ նորաձևության և դիզայնի ոլորտում ունեցած ձեռքբերումների համար:
Դատելով ստորև ներկայացված ֆոտոշարքից՝ թագուհին հաճույք է ստացել ցուցադրությունից.