Иске Камка үзешчәннәре сәхнә осталыкларын күрсәттеләр
tatarstan.er.ru
Иске Камка үзешчәннәре сәхнә осталыкларын Иске Әнҗерә, Татар Мулла, Иске Чаллы, Үргәгар авыллары халыкка күрсәтеп кайтканнар.
Биредә җырга, нәфис сүзгә мөкиббән үзешчәннәр аз түгел. Шулай булмыйча, җирлек башлыгы Фәргать Әкберов үзе дә сәхнәне ят итми. Мәдәният җитәкчеләрен әйткән дә юк: Карамалы клубы директоры Рамил Хәсәншин, Иске Камка мәдәният йорты директоры Радик Әхмәтов тормыш иптәшләрен ияртеп, кунакка кайткан студент ул-кызларын да кушып, шушы концертларда актив катнаштылар.
Ә бу атнада Иске Камка клубында кунаклар концерт куеп киткән. – Иске Алпар үзешчәннәре җырлап, шигырь сөйләп, күршеләрен ял иттергәннәр.