Сөяркәсенә китмәсен өчен хатынын үтергән
Ир үзенең гаебен тулысы белән таныган.
Чаллыда яшәүче Инсаф Зарипов 3 октябрь көнне хатынын эшеннән барып ала һәм кайтышлый заправкада туктый. Шул арада алар арасында бәхәс башлана. Хатын балаларын алып, сөяркәсенә китәчәген әйтә. Бу сүзләр ирне ярсыта һәм ул хатынын тимерчыбык белән буып үтерә. Шуннан соң гәүдәне төреп, Тукай районына алып чыгып, “Весенний” совхозы чүплегенә күмә. Соңрак ул хатыны югалу турында гариза яза. Әмма полициядә аның гаебен дәлилли алалар. Суд Зариповны каты режимлы колониягә 10 елга ирегеннән мәхрүм итә.