Татарстанда җилнең кискен көчәюе көтелә
Бүген көндез Татарстан юлларында урыны белән яннан исә торган җилнең көчәюе көтелә.
Көньяктан искән көчле җилнең тизлеге секундына 15-17 метрга җитәргә мөмкин.
Шул уңайдан Татарстанның ЮХИДИ идарәсе машина йөртүчеләрне юлларда сак булырга чакыра. Яннан искән җил автомобильнең хәрәкәтенә сизелерлек тәэсир итәргә мөмкин. Шуңа да, машина йөртүчеләр тизлекне арттырмаска, куркынычсызлык каешларын эләктерергә, ә 12 яшькә кадәрге балаларны махсус креслоларга утыртырга тиеш, ди ЮХИДИ идарәсендәгеләр.
Аеруча, торак пунктлардан читтә хәрәкәт иткәндә игътибарлы булырга кирәк.