پنس: امریکا په منځني ختیځ کې د سولې د پروسې بیا پیل ته ژمن دی
پنس پرون شنبه خبریالانو ته وویل:
"د امریکا متحد ایالتونه په منځني ختیځ کې د سولې د پروسې بیا پیلېدو ته پوره ژمن دي."
پنس به تر مصر وروسته، اردون او اسرائيل ته هم لاړ شي.
دا سفر په داسې حال کې کېږي چې د واشنګټن له خوا د اسرائيل د پلازمېنې په توګه د بيت المقدس د اعلان پر سر عرب هېوادونه په غوسه دي.
د امريکا ولسمشر ډونالډ ټرمپ تېره میاشت بيت المقدس د اسرائيل د پلازمېنې په توګه اعلان کړ.
ښاغلي پنس وويل، د مصر او امريکا ترمنځ اړيکې تر بل هر وخت غښتلي دي او ولسمشر ټرمپ په مصر کې د اقتصادي اصلاحاتو د عملي کېدو له کبله د السيسي قدر کوي.