Беркатлылыгы аркасында бер ир 85 мең сумнан колак каккан
Банк хезмәткәрләре исеменнән кырыкалдарлар Лениногорскта яшәүче бер ирдән 85 мең сум акча талаган.
“Лениногорские вести” хәбәр иткәнчә, 48 яшьлек ирнең кесә телефонына таныш булмаган бер ир шалтырата да, үзен банк хезмәткәре дип таныштыра. Аның банк картасының ябылуы турында, булган акчалары югалмасын өчен, аларны башка картага күчерергә кирәклеге турында хәбәр итә. Ир үзенең алдануын соңрак кына абайлый һәм полиция хезмәткәрләренә мөрәҗәгать итә.