Էրդողանը սպառնացել է ռազմարշավ սկսել Սիրիայում
Թուրքիայի նախագահ Ռեջեփ Թայիփ Էրդողանը հայտարարել է, որ թուրքական բանակը կարող է շաբաթվա ընթացքում ռազմական գործողություններ սկսել սիրիացի քրդերի բնակության տարածքներում՝ Մանբիջ և Աֆրին քաղաքներում: Այս մասին հաղորդում է Gazeta.ru-ն՝ վկայակոչելով թուրքական աղբյուրը:
«Մանբիջում կտեսնեն, թե ինչ կանենք մեկ շաբաթից, եթե չիրականացնեն մեզ տված խոստումը»,–հայտարարել է Էրդողանը:
Անկարան բազմիցս դատապարտել է Վաշինգտոնին սիրիացի քրդերին ռազմական աջակցություն ցուցաբերելու համար, որոնց Թուրքիան ահաբեկչական կազմակերպություն է համարում:
Թուրքիան ավելի վաղ խոստացել էր Ռուսաստանի հետ համաձայնեցնել սիրիացի քրդերի դեմ հնարավոր ռազմարշավը: