Москва кўчаларида ёввойи тулкилар кўзга ташланмоқда
Хабарда айтилишича, тулкилар шаҳарга ўрмонлар ва боғ зоналаридан келиб қолган бўлиши мумкин.
Жониворлар шаҳар кўчалари бўйлаб кезиб юришибди. ОАВ эса улар билан дуч келиб қолган ҳолатларда ҳайвонларни силаш ёки овқатлантиришга уринмасликни тайинламоқда.
“Шаҳарда тулкилар ҳақиқатан кўпайди. Улар ўрмонлардан овқат топиш мақсадида келишмоқда ва кўп ҳолларда одамлардан қўрқишмайди. Аммо тулкилар ёввойи ҳайвон эканлигини унутмаслик керак. Агар шаҳарда юрган тулкини пайқаб қолсангиз, унинг ёнига бориб қўл билан тегиниш ва овқатлантиришга уринманг” дейди “Москва табиати дирекцияси” ходими Сергей Бурмистров.
Экспертнинг сўзларига қараганда, тулкилар одамда овқат чиқиндиларини топиш мумкин бўлган жойлар: боғча, мактаб ва касалхоналар атрофида кезиб юришади.