“Ялта-Зәй”дә Россия студентлары көч сынашты
"Ялта Зәй” чаңгы базасы ел әйләнә ярышлар уздыру, спортчыларны ярышка әзерләү, ял итү һәм сәламәтлекне ныгыту урынына әйләнде. Узган атнада биредә студентлар арасында Россия беренчелегенә ярышлар узды. Анда Россия уку йортларыннан 37 командада спортчы студентлар көч сынашты. Ярышларда Татарстан командасы составында Зәйдән Дмитрий Кочеванов, Петр Коронов чыгыш ясады. Ярышлар дүрт көн барды. Җиңүчеләрне Зәй районы башкарма комитеты җитәкчесе Разиф Кәримов котлады.