Վաշինգտոնում ցուցարարների դեմ բռնության գործով Էրդողանի երկու աջակիցների մեղադրանքները մեղմացվել են
Հանձնախմբի տվյալներով՝ Էրդողանի աջակիցներին սպառնում է 1 տարի 1 օրվա ազատազրկում: Դատավճիռը պաշտոնապես հրապարակվելու է եկող տարվա մարտի 15-ին:
Մայիսի 16-ին Թուրքիայի նախագահի ԱՄՆ այցի կապակցությամբ մի խումբ ցուցարարներ բողոքի ակցիա էին կազմակերպել Վաշինգտոնում Թուրքիայի դեսպանի նստավայրի առջև։ Էրդողանի թիկնապահները և աջակիցները, ճեղքելով ոստիկանական պատը, հարձակվել էին քուրդ և հայ ցուցարարների վրա ու ծեծի ենթարկել նրանց, 9 մարդ ստացել էր մարմնական վնասվածքներ։
Տվյալ գործով ԱՄՆ-ում մեղադրանք է առաջադրվել 19 անձի, այդ թվում՝ Էրդողանի անվտանգության ծառայության 15 աշխատակցի: Ձերբակալված են երկուսը՝ Սինան Նարինը Վիջինիայից և Էյուփ Յըլդըրըմը Նյու Ջերսիից: