"Электр тармоқлари чироқни ўчириш буйруғи юқоридан келаётганини айтмоқда"
"Мен Фарғона вилояти Ўзбекистон тумани Қумбости қишлоғида истиқомат қиламан. Туманимизда электр таъминотининг узилиши кундан кунга кўпайиб кетаяпти. Ёнимиздаги бошқа туманлар ва Қўқон шаҳрида бу ҳол умуман учрамайди. Электр тармоқларига мурожаат қилганимда, ўчиришга буюруқ юқоридан келаётганини айтишмоқда. "Хоҳлаган жойизга шикоят билан чиқинг", деб дадил гапирилаяпти. Биз электр ҳар куни кўп ўчаётганидан жуда ҳам жабр чекмоқдамиз. Ахир одамлар орасида қариялар, ёш болаликлар, касалллар ва асосий ишларини тунда бажаришга мажбур бўлаётган қанчани ташкил этади.
Халқ билан мулоқот йили деб ҳамма гапирмоқда. Лекин, ҳозирги қиш кунида байрам арафасида юқоридаги инсонлар келиб, одамларнинг дардини эшитмайди. Туманимиз ҳокими қаерга қараяпти? Нега қишлоқларга сафар уюштириб, халқ билан мулоқот қилмайди? Туман электр тармоқларига хокимиятга бориб дардимизни айтишдан бирор наф йўқ. Нега Ўзбекистон туманининг халқи ҳар йили электр муаммосидан жабр чекади? Нега ёнимиздаги туманларда свет ўчмайди?"
Озодликка Ўзбекистон тумани Қумбости қишлоғида истиқомат қилувчилардан яна бири электр таъминоти муаммоси юзасидан мурожаат қилди.
"Бу Ўзбекистон тумани Қумбости қишлоғи. Қачон ҳаракат бўлади? Электр тармоғида ишлайдиганларнинг кўзини каттароқ очиб қўйиш керак. Халқ қийналмоқда".
******************************************************************************
Резюме
"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************
Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!