100 зуда а, бер а цIадерзийна Иракъера а, Шемара а

Шемарчу а, Иракъерчу а тIемашкара кIелхьарабаьхначу нахана шайн гергарнаш лохуш а, кехаташца цхьалхо еш а гIо до лерина кхоьллинчу комиссино аьлла, белхан хьокъехь Пермехь йолчу берийн омбудсмено Кузнецова Аннас. Комиссино гIо до бераш школашка а, берийн бошмашка а дIатардеш а.


"Да-нана доцуш дисина бераш шайн гергарчаьргахь ду. Халонаш лайна и бераш дистхуьлуш ца хуьлу. Шок лайна цара, царна психологийн гIо оьшу, адамаех дIаэн", боху бакъонашларъярхочо.


Тахана болчу хаамашца, 100 гергга зуда а, бер а даймахка дерзийна Иракъера а, Шемара а нохчийн Iедалхойн гIоьнца. Нохчийчуьра, Дагестанера, Башкирера, Тверера, Нижневартовскера, Казахстанера, Узбекистанера бахархой бу уьш.


Иракъера а, Шемара а бераш а, зударий а цIа берзо болийра, Нохчийчоьнан куьйгалхочо шен Инстаграмерчу агIон тIехь RT телеканалан корреспонденташа Багдадерчу берийн цIийнехь яьккхина ролик зорбане яьккхинчул тIаьхьа. Оцу ролик тIехь дуьйцура, Оьрсийчуьрчу дайша-наноша "Исламан пачхьалкх" шех олучу тобанах дIакхетачу хенахь, шайца дIа а дигина, Иракъан Мосул маьршаяьккхинчул тIаьхьа дIатисинчу берех.