Սիլվեստր Ստալոնեին մեղադրել են 30 տարի առաջ տեղի ունեցած բռնաբարության համար
ԱՄՆ-ում կինը, որի անունը չի նշվում, ոստիկանություն դիմում է ներկայացրել ամերիկացի դերասան Սիլվեստր Ստալոնեի դեմ՝ մեղադրելով նրան 30 տարի առաջ տեղի ունեցած բռնաբարության համար: Այս մասին հայտնում է TMZ-ը:
ԱՄՆ-ի Կալիֆորնիա նահանգի Սանտա Մոնիկա քաղաքի իրավապահ մարմինների աշխատակիցները դեռ չեն որոշել՝ արդյոք իրենք հետաքննություն կանցկացնեն, թե ոչ. տուժածի խոսքով՝ միջադեպը տեղի է ունեցել 1990-ականների սկզբին:
Նշվում է, որ ոստիկանության աշխատակիցները պետք է պարզեն՝ արդյոք օրինական է քրեական գործ հարուցել այսքան մեծ ժամանակահատվածից հետո:
Ոստիկանություն դիմած կնոջ խոսքով՝ Ստալոնեն բռնաբարել է իրեն նրա գրասենյակում հանդիպման ժամանակ: Դերասանը հերքում է մեղադրանքը: