ՀՅԴ պատգամավորի հորդորը՝ իրենց պատանդառու չպահել և հարգել գործընկերային հարաբերությունները Նիկոլ Փաշինյանն անտեսեց և 4-րդ ընդմիջումը վերցրեց
Աժ-ն քվեարկության դրեց Կառավարության կողմի ներկայացված «Սահմանադրական դատարանի մասին» սահմանդրական օրենքի նախագիծը և կից օրինագծերի փաթեթը, այն ընդունվեց 64 կողմ ձայներով:
Վարման կարգով ձայն խնդրեցին «Ելք» խմբակցության ղեկավար Նիկոլ Փաշինյանը և ՀՅԴ խմբակցության քարտուղար Աղվան Վարդանյանը, ում համար սպասելի էր, որ Փաշինյանը կրկին քվեարկությունը կընդմիջի 20 րոպեով, հորդորեց հրաժարվել այդ մտքից և իրենց պատանդ չվերցնել փոքր խնդրի պատճառով:
«Հարգելի գործընկերներ, ես դիմում եմ «Ելք» դաշինքի իմ գործընկերներին: Մենք հարգում ենք կանոնակարգ օրենքով ամեն քվեարկությունից առաջ 20 րոպե ընդմիջում վերցնելու վերցնելու ձեր իրավունքը, բայց ես կարծում եմ, որ այս կանոկարգի իրավունքը տրված է, որ դու վերցնես հստակեցնելու համար դիրքորոշումը, եթե խնդիր ունես: Ես հասկանում եմ այս կերպ քաղաքական դիրքորոշում եք արտահայտում, ինչ-որ խնդիր լուծում եք, բայց հավատացեք ինձ, այդ խնդրի լուծումը չարժի մարդկային այն գործոնին կամ գործընկերային հարաբերություններին, որ կա ԱԺ-ում: Սա ավելի շատ ոչ թե խնդրի լուծում է, այլ քաղաքական պատանդառություն: Ես հորդորում եմ իմ գործընկներին փոքր բանի համար մեծ բաներ չզոհել և թույլ տալ աշխատել»,-ասաց նա:
ՀՅԴ պատգամավորի հորդորը Նիկոլ Փաշինյանը հավի չառավ և կրկին քվվեարկությունից հետո հայտարարեց 20 րոպե ընդմիջում:
Նշենք, որ ԱԺ կանոնակարգ օրենքի 63-րդ հոդվածի 3-րդ մասի յուրքաչյուր հարցի քննարկումից առաջ խմբակցության ղեկավարը կամ քարտուղարը կարող են հայտարարել ընդմիջում՝ 20 րոպե տևողությամբ: