Արթուր Դավթյանն ու Վիգեն Խաչատրյանը Վորոնինի մրցաշարում մեդալներ են նվաճել առանձին գործիքների վրա
Մոսկվայում ավարտվեց սպորտային մարմնամարզության Միխայիլ Վորոնինի անվան գավաթի խաղարկությունը: Հայտնում է ՀԱՕԿ-ի պաշտոնական կայքը:
Մրցումային վերջին օրը հայ մարմնամարզիկներն առանձին գործիքների վրա տարբեր հարգի մեդալներ նվաճեցին: Հենացատկերում Արթուր Դավթյանը բոլորից ուժեղ գտնվեց եւ դարձավ ոսկե մեդալակիր (14.175 միավոր): Նժույգթափերում Դավթյանը երկրորդ տեղը կիսեց ռուս Նիկիտա Նագոռնիի հետ (13.900), իսկ օղակների վարժությունում՝ Նիկիտա Սիմոնովի հետ (14.600):
Զուգափայտերում Արթուրը բրոնզե մեդալ նվաճեց (13.800) Վիգեն Խաչատրյանն էլ բրոնզե մեդալակիր դարձավ ազատ վարժությունում (13.500):