«Հանուն գիտության զարգացման» նախաձեռնության անդամ Յուրի Ավագյանը դադարեցրել է հացադուլը
«Հանուն գիտության զարգացման» նախաձեռնության անդամ Յուրի Ավագյանը երեկ գիշեր դադարեցրել է հացադուլը: Այս մասին հայտնում է նախաձեռնության ֆեյսբուքյան էջը։
«Հացադուլի մասնակից Յուրի Ավագյանին տեղափոխել են հիվանդանոց՝ թոքաբորբի պատճառով։ Նրա հացադուլը դադարեցվում է»,– ասվում է էջում տեղադրված հայտարարությունում:
Նշենք, որ նախաձեռնության անդամներ Դավիթ Պետրոսյանն ու Յուրի Ավագյանը հացադուլ էին հայտարարել դեկտեմբերի 18-ին: Նրանք պահանջում են վերացնել տարկետման իրավունքի սահմանափակումը, որի մասին օրենքն ընդունվել է նոյեմբերի 15-ին: Դավիթ Պետրոսյանը շարունակում է հացադուլը ԵՊՀ-ում:
Հիշեցնենք, որ դեկտեմբերի 19-ի գիշերը Յուրի Ավագյանի համար շտապօգնություն էր հրավիրվել ԵՊՀ և բժշկի որոշմամբ ու Ավագյանի համաձայնությամբ նա տեղափոխվել էր հիվանդանոց: