Ինքնաթիռը Գերմանիայի երկնքում տոնածառ է նկարել
Դեկտեմբերի 13-ին Emirates ավիաընկերությանը պատկանող Airbus A380 օդանավը խաղալիքներով զարդարված սուրբծննդյան տոնածառ է նկարել Գերմանիայի երկնքի մեծ մասում:
Ինչպես նշում է Корреспондент-ը, տոնածառի «նկարը» պատկերվել է գործարանային փորձարկումների շրջանակներում: Ինքնաթիռը դուրս է եկել Համբուրգ քաղաքից, որտեղ տեղակայված է Airbus-ի գործարաններից մեկը, և վերադարձել է ելման կետ՝ ճանապարհին տոնածառ նկարելով:
Airbus-ը Եվրոպայում երկու գործարան ունի՝ ֆրանսիական Թուլուզում և Համբուրգում: Վերջնական հավաքումից հետո ինքնաթիռները գործարանային փորձարկումներ են անցնում, որից հետո ուղարկվում են պատվիրատուին: