Әлки районының авылларында 23 боз шугалагы ясалган
Авылларда 23 боз шугалагы ясалган.
Тагын шундый дистәдән артык мәйданчык булдыру күздә тотыла. Кыш бит кеше сәламәтлеген ныгыту өчен аеруча кулай чор. Ачык һавада хәрәкәтләнү саулыкка да әйбәт тәэсир итә, кәефне дә күтәрә. Шуңа да быел һәр авылда диярлек шугалаклар булдыру бурычы куела. Шугалак өчен, хоккей тартмаларыннан тыш, табигый сулыкларны – күл, елга, буаларны файдаланырга мөмкин. Әйтик, Түбән Әлки авылында күл бозында ясалган шугалакка хәтта яктырткычлар да куелган.
Шугалакларны кардан чистартып, файдалану халәтендә тоту урыннардагы мәктәпләргә йөкләнә.