Егетләр наркотик сатып баемакчы булган
Түбән Камада яшәүче егетләрне Чаллыда наркотиклар белән кулга алганнар.
Алар сүзләренчә, егетләр үзләре наркотик кулланмаган. Агуны алар бары тик матди хәлләрен яхшыртыр өчен сатканнар. Элек бергәләшеп машина юучы булып эшләгәннәр. Әмма андагы хезмәт хакы гына канәгатьләндермәгәч, начар юлга басканнар. Түбән Кама полициясенә эләкмәс өчен алар күрше шәһәргә йөреп наркотик сатканнар. Егетләрне 15 елга кадәр ирекләреннән мәхрүм итәргә мөмкиннәр.