Макдональдс ризыгында теш табылган
Япониядәге “Макданольдс” рестораннарының берсендә фри бәрәңгесе эчендә кеше теше табылган.
Бу хәл 26 августта ук була. Әмма массакүләм мәгълүмат чараларына ул шушы көннәрдә генә хәбәр ителә. “Макдональдс” хезмәткәрләре бу хәлне болай дип аңлатканнар:
- Тешнең ризыкны ясаган вакытта яки заводта ук эләгүе икеле. Бу тешнең ничек ризыкка килеп керүен тикшерәләр.
Соңгы араларда “Макдональдс” рестораны гел күз алдында булды. Япониядә бу инде икенче зур гауга. Аңа кадәр тавык наггетсында пластмасса кисәкләре табылган булган.