Татарстанда бер ир үзенең иптәшен яндырган
Сентябрь азагында Түбән Каманың үзәк шифаханәсенә тән пешү диагнозы белән 44 яшьлек хатын-кызны алып киләләр.
Бу коточкыч хәл болай килеп чыга: 49 яшьлек ир белән хатын өстәл артында талашып китәләр. Җәнҗал аянычлы тәмамлана: ир кеше хатынының өстенә спирлы эчемлек сибә һәм аңа ут төртә. Полиция хезмәткәрләре башта “Сәламәтлеккә авыр зыян салган өчен” маддәсе буенча җинаять эше ачкан булсалар, хәзер исә “Кешене үтерергә омтылган өчен” дигән маддә буенча җинаять эше кузгатканнар.