Казанда бер ир 5 нче каттан егылып төшкән
49 яшьлек казанлы үзенең фатирына тәрәзә аша кермәкче булган. Әмма 5 нче каттан егылып төшеп җан биргән.
Күршеләре сөйләвенчә, үзенең фатирындагы бер бүлмәне ул арендага биргән булган һәм еш кына күршеләре белән сүзгә кергән. Тегеләре исә аны фатирга кертми торган булган. Күрәсең, бу юлы да шундый хәл килеп чыккандыр. Ир кеше йорт түбәсенә менгән һәм тәрәзә аша үз фатирына эләкмәкче булган. Әмма бозлы түбәдән аягы таеп китеп, җиргә егылып төшкән, дип хәбәр итә “Комсомольская правда” газетасы.