Әлки районында якшәмбе, ягъни 28 декабрьдә, “Яшь имәннәр” лагеры янында чаңгы сезоны ачылачак
Бу атнаның якшәмбесендә, ягъни 28 декабрьдә, “Яшь имәннәр” лагеры янында кышның күңелле бер вакыйгасы – чаңгы сезонын ачу тантанасы булачак.
Бәйрәм рәвешендә үтәчәк бу чарага барлык әлкилеләр чакырыла. Төрле оешмалар коллективлары, җирлекләр вәкилләре дә активлык күрсәтсен иде. Быел чаңгыда шуулар бигрәк тансык бит. Әле шуның өстенә “Яшь имәннәр” янындагы үзәндә кәефләрне күтәреп музыка уйнап торачак, кайнар чәй, шашлыклар булачак, чаңгыларны прокатка да бирәчәкләр.